Ancelotti thotë se Vinicius Junior e meriton “Topin e Artë”

20:45 | 10 Maj 2024
R J

Paraqitjet e mira me Real Madrid e kanë futur emrin e Vinicius Junior në debat për “Topin e Artë” dhe trajneri i skuadrës së kryeqytetit spanjoll, Carlo Ancelotti, ka thënë se braziliani e meriton çmimin prestigjioz.

Vinicius ka shënuar pesë herë dhe ka dhënë po aq asistime vetëm në Champions League në këtë sezon për të ndihmuar Real Madridin ta sigurojë një vend në finale, ndërsa ka shënuar gjithashtu trembëdhjetë gola në La Liga, që “mbretërit” e fituan për herë të tridhjetë e gjashtë.

“Vinicius po bën një punë të shkëlqyeshme. Ai është një profesionist shumë i disiplinuar dhe meriton gjithçka që ka arritur. Para vetes ka një finale të Champions League dhe më pas ai do të jetë në Copa America. Ai është shumë afër dhe nëse ka rezultate pozitive në të dyja kompeticionet mund ta fitojë ‘Topin e Artë’”, ka thënë Ancelotti. /rtk

Shpërndaje në rrjete sociale

Lajmet më të lexuara

Të ngjashme

Foto lajm